Fursa nyingi sana zinangoja wawekezaji wa kigeni wa moja kwa moja, lakini masuala ya kijiografia, mbinu za utoaji mikopo za China na ukiukaji wa haki za binadamu huenda zikazuia uwezo huo.

"Wawekezaji wa kigeni wanavutiwa na ukubwa wa soko, uwazi, uhakika wa sera na kutabirika," Adhikari anasema.Sababu moja ambayo wawekezaji wanaweza kutegemea ni ongezeko la idadi ya watu barani Afrika, ambalo linatarajiwa kuongezeka maradufu hadi watu bilioni 2.5 ifikapo mwaka 2050. Uchunguzi uliofanywa na Taasisi ya Global Cities ya Chuo Kikuu cha Toronto unatabiri kuwa Afrika itachangia angalau miji 10 kati ya 20 yenye watu wengi zaidi duniani kwa 2100, huku miji mingi ikifunika jiji la New York katika ukuaji.Mwenendo huu unaifanya Afrika kuwa moja ya soko la walaji linalokuwa kwa kasi zaidi duniani.

Shirley Ze Yu, mkurugenzi wa Mpango wa China na Afrika katika Kituo cha Firoz Lalji cha Afrika katika Shule ya Uchumi ya London, anaamini kuwa bara hilo linaweza kuchukua nafasi ya China kama kiwanda cha dunia.

"Gawio la idadi ya watu litaiweka Afrika kwa ufasaha katika urekebishaji wa ugavi wa kimataifa huku mgao wa kazi wa China unavyopungua," anasema.

Afrika pia inaweza kufaidika na Eneo Huru la Biashara la Bara la Afrika (AfCFTA).Iwapo itatekelezwa, waangalizi wa mambo wanasema eneo hilo litakuwa jumuiya ya tano kwa ukubwa wa kiuchumi duniani.

Mkataba huo unaweza kubadilisha mchezo katika kufanya bara kuvutia FDI, Benki ya Dunia inabainisha.AfCFTA ina uwezo wa kuzalisha faida kubwa za kiuchumi kuliko ilivyokadiriwa hapo awali, huku jumla ya FDI ikiongezeka kwa 159%.

Mwisho, wakati sekta kama mafuta na gesi, madini na ujenzi bado zina hisa kubwa ya FDI, msukumo wa kimataifa kuelekea sifuri, pamoja na hatari ya Afrika kwa mabadiliko ya hali ya hewa, inamaanisha uwekezaji "safi" na "kijani" uko kwenye njia ya juu.

Takwimu zinaonyesha thamani ya uwekezaji katika nishati mbadala imeongezeka kutoka dola bilioni 12.2 mwaka 2019 hadi dola bilioni 26.4 mwaka 2021. Katika kipindi hicho, thamani ya FDI katika mafuta na gesi ilishuka kutoka dola bilioni 42.2 hadi dola bilioni 11.3, huku uchimbaji madini ukishuka kutoka dola bilioni 12.8 hadi Dola bilioni 3.7.