2020 онд Хятадын эдийн засаг 2.3 хувиар өсч, эдийн засгийн томоохон зорилтууд төсөөлж байснаас илүү үр дүнд хүрсэн гэж Үндэсний статистикийн газар (NBS) даваа гарагт мэдэгдэв.

Тус улсын жилийн ДНБ 2020 онд 101.59 их наяд юань буюу 15.68 их наяд ам.долларт хүрч, 100 их наяд юанийн босгыг давлаа гэж NBS мэдээлэв.

Хятадын эдийн засаг 2020 онд эерэг өсөлттэй дэлхийн цорын ганц томоохон эдийн засаг байх төлөвтэй байна гэж NBS-ийн тэргүүн Нин Жиже мэдэгдэв.

Хятадын жилийн ДНБ өнгөрсөн онд түүхэндээ анх удаа 100 их наяд юанийг давсан нь үндэсний нийт хүч нь хэрхэн шинэ түвшинд хүрсэнийг харуулж байна гэж Нин хэлэв.

2020 онд тус улсын ДНБ жилийн дундаж ханшаар тооцвол 14.7 их наяд ам.доллартай тэнцэх бөгөөд дэлхийн эдийн засгийн 17 орчим хувийг бүрдүүлнэ гэж тэр хэллээ.

Нин хэлэхдээ, Хятадын нэг хүнд ногдох ДНБ 2020 онд хоёр дахь жилдээ 10 мянган ам.доллар давж, дундаас дээш орлоготой эдийн засагтай орнуудын тоонд орж, өндөр орлоготой эдийн засгийн ялгааг улам багасгаж байна.

Дөрөвдүгээр улиралд ДНБ-ий өсөлт өнгөрсөн оны мөн үеийнхээс 6.5 хувьтай, гуравдугаар улиралд 4.9 хувьтай байсан гэж тус товчоо мэдэгдэв.

Аж үйлдвэрийн үйлдвэрлэл 2020 онд өмнөх оны мөн үеэс 2.8 хувиар, арванхоёрдугаар сард 7.3 хувиар өссөн байна.

Жижиглэнгийн худалдааны өсөлт өнгөрсөн оны мөн үетэй харьцуулахад 3.9 хувиар сөрөг гарсан ч арванхоёрдугаар сард өсөлт сэргэж, эерэг 4.6 хувьд хүрсэн байна.

Тус улс 2020 онд үндсэн хөрөнгийн хөрөнгө оруулалт 2.9 хувиар өссөн байна.

Өнгөрсөн онд Хятадын хот суурин газарт нийт 11 сая 860 мянган ажлын байр шинээр бий болсон нь жилийн төлөвлөгөөний 131,8 хувьтай байна.

Судалгаанд хамрагдсан хот суурин газрын ажилгүйдлийн түвшин арванхоёрдугаар сард улсын хэмжээнд 5.2 хувь, жилийн дунджаар 5.6 хувь байна гэж тус товчоо мэдээлэв.

Эдийн засгийн үзүүлэлтүүд сайжирч байгаа хэдий ч эдийн засагт COVID-19 болон гадаад орчноос үүдэлтэй тодорхойгүй байдал улам бүр нэмэгдэж байгаа бөгөөд тус улс эдийн засгийг боломжийн хэмжээнд үргэлжлүүлэхийн тулд шаргуу ажиллах болно гэж NBS мэдэгдэв.

2020 оны 12-р сарын 24-нд Жянсу мужийн Нанжин хотод WiFi холболттой шинэ төрлийн Фусин хурдны галт тэрэг ажиллаж эхэллээ.